SHaripova Moskva turnirida yarim finalda!

Musobaqaning birinchi raqamli tennischisi sifatida qayd etilgan Sabina SHaripova bugun chorak final uchrashuvini o'tkazdi. Uning yarim final ostonasidagi raqibasi rossiyalik Polina Vinogradova bo'ldi. Qiziqarli kechgan o'yinda hamyurtimiz 1:6, 6:4, 6:4 hisoblarida g'alaba qozondi va turnirning yarim finaliga yo'llanma oldi.

Kecha Sabina ikkinchi davra bahsida rossiyalik Alina Silichni 6:1, 7:6 hisobida mag'lub etgandi. Birinchi bosqichda esa yana bir rossiyalik tennischi Karin Sarkisovadan 6:4, 6:7(5), 6:4 hisobida ustun kelgan edi.