21 noy 07:57
Yangiliklar

Tennis

SHaripovaning Mumbay turniri 1/8 finaldagi raqibasi malum

Mamlakatimizning birinchi raqamli tennischisi Sabina SHaripova Hindistonning Mumbay shahrida o'tkazilayotgan turnirdagi ishtirokini g'alaba bilan boshlagan edi.

Hamyurtimiz “CHellenjer” turkumiga kiruvchi ushbu musobaqaning asosiy to'r ilk davrasida turnirning sakkizinchi raketkasi rossiyalik Irina Xromachyovani 2:6, 7:6, 7:6 hisobida taslim etgandi.

Endi Sabina ertaga nimchorak final uchrashuvida vengriyalik Fanni Stolarga qarshi kortga chiqadi. Stollar dunyo reytingida 240, SHaripova esa 186-o'rinni egallab turibdi. Ikki tennischi shu paytgacha o'zaro to'qnash kelishmagan.