26 iyu 07:47
Yangiliklar

Tennis

SHaripovaning “Uimbldon” yarim finalidagi raqibasi malum

London shahrida “Katta Dubulg'a” turkumiga kiruvchi “Uimbldon” turnirining saralash bahslari davom etmoqda.

Musobaqaning xotin-qiz tennischilar o'rtasidagi bahslarida ishtirok etayotgan yagona vakilamiz Sabina SHaripova bugun ikkinchi davra uchrashuvida kortga chiqadi. Mamlakatimizning birinchi raqamli tennis malikasi amerikalik Kristina Makxeylga qarshi bahs olib boradi.

Taqqoslash uchun, Makxeyl WTA reytingida 109, SHaripova esa 215-o'rinni egallab turibdi. Tennischilar shu kungacha o'zaro to'qnash kelishmagan. Saralashning yarim finalidan o'rin olgan ushbu uchrashuvning Toshkent vaqti bilan soat 19:30da boshlanishi rejalashtirilgan.

Eslatib o'tamiz, kecha SHaripova ilk bosqichda reytingning 149-pog'onasidan joy olib turgan slovakiyalik raqibasi Kristina Kucovaga qarshi kortga chiqib, 6:1, 3:6, 7:5 hisobida zafar quchgan edi.