SHaxmatchilarimiz Afruza va Nilufar jahon chempionati etakchilari qatorida

Hamyurtlarimiz Afruza Hamdamova 16 yoshgacha bo'lgan qizlar o'rtasida etakchiga aylangan bo'lsa, 14 yoshgacha bo'lgan qizlar orasida terma jamoamiz azosi Nilufar Imomqo'zieva g'oliblikka asosiy davogarlardan biriga aylanib oldi.

6-tur bahslarida Afruza Hamdamova qora donalarda argentinalik Ernestina Adamni 38-yurish holatida taslim etdi. Ushbu g'alaba evaziga hamyurtimizning ochkolari soni 5,5 taga etdi va 65 nafar ishtirokchi orasida yakka peshqadamga aylandi.  

14 yoshgacha bo'lgan shaxmatchi qizlar orasida hamyurtimiz Nilufar Imomqo'zieva jahon chempionatiga bekorga kelmaganini namoyish etmoqda. Mahoratli shaxmatchi qizimiz ortda qolgan 6 ta turning 5 tasida g'alabaga erishgan bo'lsa, 1 tasida durang natija qayd etdi. 

6-turda polshalik Viktoriya Smetanskayani mag'lubiyatga uchratishi natijasida Nilufar 95 nafar ishtirokchi orasida g'oliblikka asosiy davogarlardan biriga aylanib oldi. Ortda qolgan 6-turda terma jamoamiz azosi Javohir Bozorov qora donalarda franciyalik Virjil Braylga imkoniyatni boy berib qo'ydi.  

Bugun jahon chempionatining navbatdagi 7-turida Afruza Hamdamova qozog'istonlik Elnaz Kaliaxmet bilan, Nilufar Imomqo'zieva gruziyalik Kesari Mgeladze bilan, Javohir Bozorov braziliyalik Kim Pol Mariani bilan kuch sinashadi.