SHerzod Tashmatov Surxondaryo viloyatidagi sport dargohlarining faoliyatini o'rgandi + FOTO

Bu safar MOQ raisi o'rinbosari SHerzod Tashmatov hamda Jismoniy tarbiya va sport bo'yicha mutaxassislarni qayta tayyorlash va malaka oshirish instituti rahbari Ilhomjon Tursunalievdan iborat ishchi guruh Termiz shahrida bo'ldi.

Termiz Olimpiya zaxiralari kollejida o'tgan uchrashuvda viloyatdagi soha mutaxassislari bilan dolzarb masalalar yuzasidan fikr almashildi. Ochiq muloqot tarzida o'tgan suhbat davomida sohadagi muammolar o'rtaga tashlanib, ularning echimi, kelib chiqish sabablari chuqur o'rganildi. Har bir viloyatda bo'lgani kabi iqtidorli yoshlarni selekciya qilish bo'yicha taekvondo va dzyudo sporti misolida ishlab chiqilgan yangi tizim taqdimoti o'tkazildi. 

Qayd etish joiz, yig'ilishda qatnashgan taniqli dzyudochi, Tokio-2020 ishtirokchisi va JCH sovrindori, hozirda murabbiylik faoliyati bilan shug'ullanayotgan SHarofiddin Lutfullaev mazkur loyihani qo'llab-quvvatladi.

Tashrif davomida mutasaddilar viloyat sportni rivojlantirish boshqarmasi va dzyudo federaciyasi mutasaddilarining hamrohligida bir qator sport maktablari, xususan, Termiz OZK faoliyati bilan yaqindan tanishishdi. SHerzod Tashmatov maskanlardagi oshxonalar faoliyatiga ham ahamiyat qaratdi. Yosh sportchilar uchun tayyorlanayotgan ovqatlar racioni, haftalik menyular bilan yaqindan tanishib, uning tarkibini yanada faol ozuqaviy moddalar bilan boyitish bo'yicha qo'shimcha tavsiyalar berdi.

Ishchi guruh safar doirasida Termizdagi sport maskanlari va kollej faoliyatini o'rganibgina qolmay, Boysun tumanida ham bo'ldilar. U erdagi sport maktablarining faoliyati bilan yaqindan tanishib, samaradorlikni yanada oshirish bo'yicha kerakli tavsiyalar berildi.

Prezident qaroriga ko'ra, endilikda Olimpiya zaxiralari kollejlari negizida Olimpiya va Paralimpiya sport turlariga tayyorlash markazlari faoliyat olib boradi. Tashrif yakuni bo'yicha SHerzod Tashmatov va Ilhomjon Tursunaliev sport turlari imkoniyatidan kelib chiqqan holda talim muassasalarining faoliyati, ayniqsa, kollej qabuli uchun kvotalarni qayta ko'rib chiqish bo'yicha o'zlari uchun zarur malumotlarni belgilab olishdi.