SHHTga azo davlatlar yig'ilishiga martabali mehmonlarning tashrifi davom etmoqda

Bugun Rossiya Federaciyasi Sport vaziri Oleg Maticin, Qozog'iston madaniyat va sport ishlari vaziri o'rinbosari Serik Jarasbaev rahbarligidagi delegaciyalar poytaxtimizga etib keldi.

Yuqori martabali shaxslarni Adham Ikramov boshchiligidagi Sportni rivojlantirish vazirligi mutasaddilari Islom Karimov nomidagi Toshkent xalqaro aeroportida iliq qarshi olishdi. Qayd etish joiz, mehmonlar bo'lajak yig'ilish tashkilot tomonidan olib borilayotgan rivojlanish strategiyalariga jismoniy tarbiya va sport sohasida salmoqli hissa qo'shishini alohida takidlashdi.

Ertaga bo'lib o'tadigan asosiy yig'ilish kun tartibidan kelgusida rejalashtirilgan yuqori darajadagi sport musobaqalarini tashkil etishda hamkorlikni rivojlantirish, SHHT davlatlari o'rtasida sport sohasida istiqbolli loyihalarni amalga oshirish, davlatlar va hududlararo aloqalarni mustahkamlash masalalari muhokama qilinadi.