SHin SHimkentda Fomin uchun o'ch oldi

Mukofot jamg'armasi 15 ming AQSH dollarini tashkil qiluvchi ushbu turnirda hamyurtimiz Maksim SHin ham o'z imkoniyatini sinab ko'ryapti. Turnirda to'rtinchi raqam ostida tasniflangan tennischimiz Sergey Fomin ilk davradayoq ATP reytingida 1167-pog'onada borayotgan hindistonlik Aryan SHahga 5/7, 0/6 hisobida yutqazib qo'ygandi.

ATP reytingida 1365-o'rinda borayotgan Maksim SHin esa aynan SHahni mag'lubiyatga uchratib, Fomin uchun revansh olishga muvaffaq bo'ldi. Maksim 1/16 finalda 1865-pog'onadan joy olgan hindistonlik Yuvan Nandalni ikki setda ham bir xil hisobda mag'lubiyatga uchratgandi - 6/2, 6/2. 

Turnirning 1/8 final bahsida esa Aryan SHahdan 1/6, 6/1, 6/2 hisoblarida ustun keldi. Birozdan so'ng hamyurtimiz 1/4 finalda italiyalik Federiko Kampanaga qarshi kortga chiqadi. ATP reytingining 1115-pog'onasini band etgan Kampana 1/8 finalda turnirning 8-raketkasi, reytingda 696-o'rinni egallab turgan hindistonlik Karan Singhni 6/4, 7/5 hisobida taslim etdi.