SHofayziev Pokistondagi turnirda yarim finalga chiqdi

Sovrin jamg'armasi 15 000 AQSH dollarini tashkil qiluvchi musobaqada bizning tennischilar ham o'z imkoniyatlarini sinovdan o'tkazishyapti. Yakkalik bahsidagi ishtiroklarini yakunlagan hamyurtlarimiz bor etiborlarini juftlik musobaqasiga qaratishgan. 

Serbiyalik Darko Yandrich bilan to'rtinchi raqamli juftlik hosil qilgan SHonig'matjon SHofayziev chorak finalda pokistonlik Obid Muhammad hamda kanadalik Malik Muhammad hamkorligini 6:3, 4:6, tay-brekda 10:3 hisobida taslim etdi. 

Endi SHofayziev va Yandrich final chiptasi uchun turnirning birinchi raqamli juftligi - rossiyalik Anton CHexov hamda germaniyalik Kay Vexneltga qarshi kortga chiqishadi. 

Rossiyalik Dmitriy Myagkov bilan juftlik hosil qilgan Saidalo Saidkarimov esa chorak finalda musobaqaning ikkinchi raqamli juftligi, rossiyalik tennischilar - Aleksandr Pavlyuchenkov va Vladimir Polyakovga yutqazib qo'ydi - 1:6, 5:7.