"SHo'rtan" sobiq ikki murabbiyiga 550 mln so'm to'ladi, yana 321 mln qoldi

Klublarning qarzi osilib yotmasligi PFL uchun muhim. Bir yil jiddiy ishlasak, shunday muammolardan qutilishimiz mumkin degan xom xayollarimiz bor.

G'uzorning “SHo'rtan” klubi FIFA bilan yozishmalarini to'xtatmagan. Jamoaning aytishicha, belaruslik murabbiylar Igor Kriushenko hamda Vitaliy Varvonchikka 2016 yildayoq to'lanishi kerak bo'lgan pullar shu yilning 1 apreliga qadar to'liq o'tkazilar ekan.

“SHo'rtan” hozirgacha Kriushenkoga 445 million so'm to'lagan (tahminan 54 ming dollar). Endi yana 248 million so'm o'tkazishi kerak. FIFA qoidalariga ko'ra, o'z vaqtida to'lanmagan har qanday summa bir yil davomida 5 foizdan penya hosil qiladi.

G'uzor klubi Varvonchik uchun hozirgacha 105 million so'm to'lagan (tahminan 13 ming dollar). Yana 73 million so'm o'tkazib berishi kerak. Xuddi o'sha 4 yillik penya bunda ham bor.

Jamoa qo'shimchasiga Murod Otajonov, Yorqin Nazarov, Sardor Xursanov, Aziz G'ulomxo'jaev kabilardan ham qarzdor. Yana bir-ikki kishi chiqib kelsa kerak oldinda. Malumot uchun, FIFA qoidalariga ko'ra, qarzdorlik masalalari uchun davo muddati 2 yildir, - deb yozadi Diyor Imomxo'jaev telegramdagi o'z kanalida.