“SHunqorlar” – 2025: Andijon viloyati jamoasi kubokning yangi sohibi!

Mazkur o'yinlarni o'tkazishdan asosiy maqsad yoshlarni Vatanga sadoqat va yuksak harbiy-vatanparvarlik ruhida tarbiyalash, chaqiriqqa qadar yoshlarni Qurolli kuchlar safida xizmat qilishga qiziqishini oshirib borish hamda ularni ruhan va jismonan chiniqtirishdan iboratdir.

CHirchiq oliy tank qo'mondonlik-muhandislik bilimyurtida o'tkazilgan “SHunqorlar” harbiy-sport o'yinlarining final bosqichida Qoraqalpog'iston Respublikasi, Toshkent shahri va viloyatlarda istiqomat qilayotgan 17 yoshdan 22 yoshgacha bo'lgan 140 nafar yoshlardan tashkil topgan 14 ta jamoa uchta blokdan iborat sinovlardan o'tkazildi.

“Harbiy-vatanparvarlik bloki”da jamoa azolarining O'zbekiston tarixiga doir bilimlari tekshirildi. SHuningdek, “Saf qo'shig'i” va “Biz – bir jamoamiz!” ko'rik-tanlovlari o'tkazildi. 

“Harbiy-amaliy ko'pkurash bloki”da jamoalar pnevmatik quroldan o'q otish, o'quv granatasini uzoqlikka uloqtirish va harbiylashtirilgan estafeta bo'yicha bellashdilar. 

Harbiylashtirilgan estafeta doirasida esa yoshlar “AK-74” avtomatini qismlarga ajratish va to'liq yig'ish hamda gazga qarshi niqobni kiyib, belgilangan masofaga yugurish shartlarini bajardilar.

“Sport bloki”da duatlon, 100 metr masofaga yugurish va turnikda tortilish bo'yicha o'zaro musobaqalashdilar. “SHunqorlar” harbiy-sport o'yinlari davomida yoshlarning g'alabaga kuchli intilishlari, shijoatlari va harbiylikka bo'lgan qiziqishlari yaqqol sezilib turdi.

Do'stona ruhda, shu bilan birga shiddatli va murosasiz kechgan “SHunqorlar” harbiy-sport o'yinlarining respublika bosqichida Andijon viloyati jamoasining qo'li baland kelib,“Vatanparvar” tashkiloti Markaziy kengashi raisining kubogini qo'lga kiritdi.

Eslatibo'tamiz, so'nggi uch yildan buyon Xorazm viloyati jamoasi g'olib bo'lib, kubokni o'zida saqlab kelayotgan edi. Ikkinchi o'rin Toshkent viloyati, 3-o'rin esa Samarqand viloyati jamoalariga nasib etdi. Yakunda g'oliblik va faxrli o'rinlarni qo'lga kiritgan jamoalar azolari “Vatanparvar” tashkiloti, Yoshlar ishlari agentligi hamda Yoshlar ittifoqi tomonidan diplomlar va qimmatbaho sovg'alar bilan taqdirlandi.

SHuningdek, uch kun davomida sport musobaqalarida belgilangan natijalarni qo'lga kiritib, yagona sport tasnifining meyoriy talablarini bajargan 6 nafar yigit va qizlar uchinchi sport razryadlariga ega bo'ldilar.

Takidlash joizki, respublika miqyosida o'tkazib kelinayotgan “SHunqorlar” harbiy-sport o'yinlari “Vatanparvar” tashkilotining “Vatanparvarlik – oliy maqsadimiz!” konceptual harbiy-vatanparvarlik g'oyasi ostida yoshlarni birlashtirishga mustahkam zamin yaratdi.

2025 yilning mart oyida “Vatanparvar” tashkiloti Markaziy kengashi, Yoshlar ishlari agentligi hamda bir qator vazirlik va idoralar o'rtasida imzolangan “Harbiy-vatanparvarlik spartakiadasi” doirasida yoshlar o'rtasida harbiy-sport musobaqalari hamda huquqiy tanlovlarni tashkil etish va o'tkazish to'g'risida”gi qo'shma qaroriga muvofiq, “SHunqorlar” harbiy-sport o'yinlarining tuman (shahar), hududiy va respublika bosqichlari o'tkazilishi belgilangan.

Yana bir muhim malumot: “SHunqorlar” harbiy-sport o'yinlarining bayrog'i va emblemasi yaratilgan bo'lib, asosiy ramzi sifatida shunqor qushi tanlangan. Bu bejiz emas, chunki shunqor lochinsimonlar oilasiga mansub kuchli, abjir qush hisoblanadi va u ko'chma manoda mard, jasoratli, kuchli shaxsga nisbatan ham qo'llaniladi.

O'zbekiston Respublikasi mudofaasiga ko'maklashuvchi “Vatanparvar” tashkiloti Matbuot xizmati