27 sen 11:54
Yangiliklar

Tennis

Shymkent Open. Ikkinchi davraga birgina Albina yo'l oldi

Qozog'istonning CHimkent shahrida tennis bo'yicha “Fyuchers” turkumiga kiruvchi turnir davom etmoqda.

Sovrin jamg'armasi 15 000 AQSH dollarini tashkil qiluvchi musobaqaning asosiy to'r birinchi davrasida besh nafar tennischimiz kortga chiqdi. Ulardan faqatgina Albina Xabibulina g'alabaga erishib, ikkinchi bosqichga yo'llanma oldi.

Turnirda ikkinchi raqam ostida tasniflangan hamyurtimiz saralash bahslari g'olibalaridan biri rossiyalik Mariya Solnishkinani 6:1, 7:5 hisobida mag'lub etdi. Kamola Umarova, SHahnoza Xotamova, Milana Maslenkova va Laylo Bahodirova raqibalariga yutqazib qo'yishdi.