Sindarov rapid Jahon chempionatida Magnus Karlsenni qora donalarda mag'lub etdi

Mukofot jamg'armasi 310 ming evroni tashkil etuvchi ushbu nufuzli musobaqada 40 dan ortiq jamoa tarkibida 300 nafardan ziyod shaxmatchi chempionlik uchun kurashyapti. Jamoaviy jahon chempionatida O'zbekiston ikkita jamoa bilan ishtirok etmoqda. Ikkinchi jamoamiz - "Sky Chess Team" tarkibida xorijlik shaxmatchilar ham bor. 

O'zbekiston jamoalari:

Uzbekistan Team

Javohir Sindarov (GM, 2718)

Nodirbek Abdusattorov (GM, 2703)

Nodirbek Yakubboev (GM, 2569)

SHamsiddin Vohidov (GM, 2527)

Muhiddin Madaminov (GM, 2500)

Afruza Hamdamova (WGM, 2358)

Umida Omonova (WGM, 2276)

Akjol Rahmatullaev (1600)

Jamoa sardori — Rustam Qosimjonov.

Sky Chess Team

SHant Sargsyan (GM, 2616)

Endryu Xong (GM, 2557)

Aram Hakobyan (GM, 2542)

Muhammadzohid Suyarov (IM, 2405)

Gulruhbegim Tohirjonova (IM, 2314)

Rahmonqul Sulaymonov (1786)

Asqarjon Ismoilov (1400)

Jamoa sardori — Hulkar Tohirjonova.

Bugun jamoaviy rapid jahon chempionatining ikkinchi kuni O'zbekiston terma jamoasi dunyoning eng kuchli jamoasi - Magnus Karlsen boshchiligidagi WR Chess jamoasi bilan 3:3 hisobida jangovar durang natija qayd etdi.  

Biz uchun ahamiyatlisi, birinchi doskada kechgan uchrashuvda Javohir Sindarov jahon reytingi etakchisi Magnus Karlsenga qarshi qora donalarda o'ynaganiga qaramay, afsonaviy raqibini mag'lubiyatga uchratdi.