06 may 09:55
Yangiliklar

Tennis

Sinner va Marrey Rim "Masters"ni o'tkazib yuboradi

Dunyoning ikkinchi raketkasi Yannik Sinner o'z vatanida o'tkaziladigan Rim "Masters" turnirida ishtirok eta olmaydigan bo'ldi.

SHuningdek, dunyoning sobiq birinchi raketkasi, hozirda ATP reytingida 57-pog'onada borayotgan britaniyalik Endi Marrey ham ishtirokchilar ro'yxatidan chiqarildi. Har ikkala tennischining bu qarorga kelishiga jarohat sabab bo'lgan.

Sinner belidagi jarohati tufayli Madrid "Masters" turnirining 1/4 finaliga chiqa olmagandi. Britaniyalik tajribali tennischi esa Mayami "Masters" turnirida tovonidan olgan jarohatidan hali forig' bo'lmagan.

Endi bu ikki tennischining o'rnini Rim "Masters" turniri asosiy to'rida argentinalik Pedro Kachin hamda francuz Artur Rinderknex egallaydi.