Subxankulov va Kruz IBF kamari uchun jang qiladi

Musobaqa doirasida rossiyalik Artur Subxankulov va kubalik Endi Kruz engil vazn toifasida vakant bo'lib turgan IBF chempionlik kamari uchun jang qiladi.

34 yoshli Subxankulov professional faoliyatida 12 ta jang o'tkazib, ularning barchasida g'alaba qozongan. 6 ta jangni nokaut bilan yakunlagan. U ayni paytda IBF reytingida 2-o'rinda turibdi.

31 yoshli Endi Kruz esa Tokio-2020 Olimpiadasi chempioni va havaskorlar o'rtasida 3 karra Jahon chempioni hisoblanadi. Uning professional rekordida 7 ta g'alaba va 1 ta mag'lubiyat bor, 4 ta jangni nokaut bilan yakunlagan.