Uittaker Guskov bilan jang haqida: "Ur va o'tkazib yuborma!"

"Bogdanga rahmat aytishim kerak. Boshqa nomlar ham ko'rib chiqildi, lekin hammasi band bo'lgan yoki jang qilishga imkonlari yo'qligini bahona qilishdi. Natijada, biz hozirgi vaziyatga keldik. Jangga rozi bo'lgan va buning uchun yarim dunyoni aylanib, Sidneyga uchishga tayyor bo'lgan odam topildi. Bu ajoyib jang bo'ladi", - dedi sobiq UFC o'rta vazn chempioni o'z podkastining navbatdagi sonida.

Uittakerning so'zlariga ko'ra, uning bu jang uchun rejasi o'zidan kattaroq raqiblar bilan bo'lgan janglardagi odatiy strategiyasidan unchalik farq qilmaydi.

"Bogdan xavfli yigit. U baland bo'yli, uzun qo'llarga ega va unda yarim og'ir vazn toifasidagi zarba kuchi bor. Agar bu zarbalar menga tegsa, rostan ham og'riqli bo'ladi. Yarim og'ir vazn toifasidagi jangchilar - 190 sm ga yaqin bo'yli va 110 kg vazndagi baquvvat yigitlar sizni urganida - bu og'riqli. Jang rejasi o'sha-o'sha: ur va o'tkazib yuborma. Bu juda oddiy. Qiziqarli bo'ladi", - deb vada berdi avstraliyalik.

Bogdan Guskov va Robert Uittaker o'rtasidagi yarim og'ir vazn toifasidagi jang 7 fevral kuni Avstraliyaning Sidney shahrida bo'lib o'tadigan UFC Fight Night 298 turnirining ikkinchi eng muhim voqeasi deb elon qilindi.