03 dek 17:17
Yangiliklar

Suv sporti turlari

Sinxron suzish: musobaqa mahoratlilarni saralab, mutaxassislarning tajribasini oshirdi

Poytaxtimizda sinxron suzish bo'yicha tashkil etilgan O'zbekiston kubogi musobaqalari mahoratli sportchilarni saralash vazifasini o'tash bilan birga murabbiy va mutaxassislarning ish tajribasi, mahorati oshishiga xizmat qildi.

Uch kun davom etgan shiddatli bahslar natijasida g'olib va sovrindorlar aniqlandi. O'zbekiston terma jamoasiga jalb etilishi mumkin bo'lgan iqtidorli sportchilar saralandi.

Mahoratli sportchilarni saralash ishlarida tajribali hakamlar Go'zal Ahmedova va Elmira Fayzullaeva qatorida Nilufar Ubaydullaeva, Durdona Xolmurodova, Mushtariy Iskandarova, Anastasiya Berezina, Munisa Isroilova singari yosh mutaxassislar O'zbekiston kubogining texnik-taktik ishlarini tashkil etishda, kotibiyat ishlarini yuritish masalalarida tajribalarini oshirdi.