Sirdaryoda Sportni sev, sport bilan yasha! shiori ostidagi sport musobaqalari qanday tashkil etilmoqda?

Sirdaryo viloyatida O'zbekiston Respublikasi Prezidentining 2020 yil 30 oktyabrdagi «Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risida»gi Farmoni ijrosini taminlash maqsadida Jismoniy tarbiya va sport vazirligi hamda Milliy olimpiya qo'mitasi tashabbusi bilan «Sportni sev, sport bilan yasha!» shiori ostidagi ommaviy sport musobaqalari yuqori saviyada tashkil etilmoqda. 

Joriy yil 24 yanvar kuni viloyatning Mirzaobod tumani «Navro'z» mahallasida joylashgan bolalar-o'smirlar sport maktabida saralash bosqichida g'olib bo'lgan «Yangi hayot», «Oydin», «Bog'iston» va «Bahoriston» mahallasi yoshlari o'rtasida mini-futbol musobaqasining tuman miqyosida final bosqichi bo'lib o'tdi. Unda «Bog'iston» mahallasi yoshlari g'olib bo'lishdi va viloyat bosqichiga yo'llanmani qo'lga kiritdi.

SHuningdek, Mirzaobod tumanidagi 34-sonli umumtalim maktabida taekvondo ITF sport turi bo'yicha «Sportni sev, sport bilan yasha!» shiori ostida tuman ochiq birinchiligi o'tkazildi. Musobaqada viloyatning Mirzaobod, Boyovut, Sayxunobod tumanlari hamda Guliston shahar BO'SM jamoalari qatnashdi. 

Musobaqada jami 80 nafar sportchi (shundan 12 nafari qizlar) g'oliblik uchun kurash olib borishdi. G'olib va sovrindorlar hamkor tashkilotlar, jumladan Mirzaobod tuman elektr tarmog'i hamda Mirzaobod tuman BO'SM tomonidan medal, diplom hamda esdalik sovg'alari bilan taqdirlandilar.