10 may 10:18
Yangiliklar

Tennis

Sloan Stivensning yurishi davom etadi

Ispaniyaning Madrid shahrida tennis bo'yicha "Premer" toifasiga kiruvchi nufuzli WTA turniri bo'lib o'tmoqda.

Sayyoramizning sakkizinchi raketkasi Sloan Stivens Mutua Madrid Open turnirining yarim finaliga yo'l oldi. Amerikalik tennischi chorak final uchrashuvida xorvatiyalik Petra Martichga qarshi kortga chiqdi.

Sloan 1 soatu 19 daqiqa davom etgan bahs yakunida reytingning 36-pog'onasidan joy olgan raqibasini mag'lub etdi - 6/4, 6/3. Endi Stivens final chiptasi uchun gollandiyalik Kiki Bertens yoki chexiyalik Petra Kvitovalarning biri bilan to'qnash keladi.