08 fev 09:09
Yangiliklar

Tennis

Sofia Open. Gael Monfis 1/4 finalga chiqdi

Dunyoning 33-raketkasi Gael Monfis Bolgariya poytaxti Sofiya shahrida o'tkazilayotgan turnirda ikkinchi g'alabasiga erishdi.

Franciyalik tennischi ikkinchi bosqich uchrashuvida qozog'istonlik Mixail Kukushkinga qarshi kortga chiqdi. Monfis 1 soatu 16 daqiqa davom etgan bahsda reytingning 55-pog'onasidan joy olgan raqibidan 7/5, 6/3 hisobida ustun keldi.

32 yoshli Monfis uchrashuv davomida 15ta eys zarbasini yo'llashga muvaffaq bo'ldi. Endi Gael Sofia Open turnirining chorak finalida greciyalik Stefanos Cicipasga qarshi kortga chiqadi.