Sofia Open. Istominning ikkinchi davradagi raqibi malum

Sovrin jamg'armasi 501 345 evroni tashkil qiluvchi musobaqada ishtirok etayotgan hamyurtimiz Denis Istomin birinchi davrada bolgariyalik 16 yoshli Adrian Andreevni 6:3, 6:4 hisobida mag'lub etgandi. Endi Denis ikkinchi bosqichda Viktor Troickiga qarshi kortga chiqadi.

Taqqoslash uchun, serbiyalik bu tennischi dunyo reytingida 67, Istomin esa 74-o'rinni egallab turibdi. Tennischilar shu kungacha o'zaro ikki marotaba to'qnash kelishgan. Uchrashuvlarning birida Istomin, ikkinchisida Troicki g'alabaga erishgan. Uchinchi to'qnashuv ertaga bo'lib o'tadi.