Sok - mavsumning so'nggi “Masters” turniri g'olibi!

Sovrin jamg'armasi 4,3 million evroni tashkil qiluvchi ATP Masters 1000 turnirining hal qiluvchi final uchrashuvida amerikalik Jek Sok saralash bahslari orqali asosiy to'rga etib kelgan serbiyalik Filip Krainovichga qarshi kortga chiqdi.

Ikki daqiqasi kam 2 soat davom etgan bahsda dunyoning 22-raketkasi bo'lgan Sok 5:7, 6:4, 6:1 hisobida zafar quchdi. Ushbu muvaffaqiyatli ishtirok Jekka 853,430 evro mukofot puli hamda 1000 reyting ochkosini taqdim etdi. Bu uning faoliyatidagi to'rtinchi, joriy yil hisobidan uchinchi sovrini bo'ldi.