Sousa sovrinni Eshtorilda olib qoldi

Estoril Open musobaqasining hal qiluvchi final uchrashuvida portugaliyalik Joao Sousa g'alaba qozonib, bosh mukofotni Vatanida olib qolishga muvaffaq bo'ldi. U 1 soatu 19 daqiqa davom etgan bahsda amerikalik Frensis Tiafoni 6:4, 6:4 hisobida mag'lubiyatga uchratdi. 

Sousa dunyo reytingida 68, 20 yoshli Tiafo esa 64-o'rinni egallab turibdi. Eshtorildagi muvaffaqiyatli ishtirok 29 yoshli Joaoga 89,435 evro mukofot puli hamda 250 reyting ochkosini taqdim etdi.