So’nggi yangiliklar

20:09Аюбхон Бахтиёров WBC Гран-приси 1/4 финалида мексикалик боксчига қарши тўлиқ жанг ўтказди 0 19:10Суперкубок. ПСЖ - "Тоттенхэм" ўйини олдидан ПРЕВЬЮ 0 18:49NUR-HAS karate markazi тарбияланувчилари АҚШ, Япония ва Мўғулистондаги мусобақаларда иштирок этади 0 18:28Шок хабар: фигурали учувчилар Екатерина Гейниш ва Дмитрий Чигирёв спорт тандеми сифатидаги фаолиятини якунлаши айтиляпти, спортчилар Хитой Гран-присида иштирок этмаслиги аниқ! 0 18:07Жаҳон рейтинги янгиланди: таэквондочиларимизнинг ҳолати қандай? 0 17:46АПЛ 1-тур ўйинлари бир дақиқалик сукут билан бошланади 0 17:23Мужибилло Турсунов WBC Гран-присидаги ғалабали юришини давом эттирди 0 16:59UFC жангчиларнинг гонорар ва бонусларини оширади 0 16:38ATFC кейинги турнирини Гулистонда ўтказади 0 16:17Иноуэ — Аҳмадалиев жанги учун чиқарилган чипталар икки соатда сотиб бўлинди 0 15:56Йоахим Лёв Ўзбекистон терма жамоаси таклифига жавоб берди 0 15:35Конор Макгрегор: "Хайр, PPV! Мен қирол эдим" 0 15:14Ўзбекистон пара каноэ терма жамоаси Жаҳон чемпионатида иштирок этади 0 14:53Нурсултон Рўзибоев: "Менда ҳам тил бор" 0 14:32Жанлуижи Доннарумма АПЛ жамоаси билан келишувга эришди 0

01 may 16:59
Yangiliklar

Xokkey

Sport haqida film: 17-raqamli afsona

Teglar :  XokkeySSSRVarlamov
Butun dunyo kinematografiyasi har doim sport tadbirlaridan ilhomlanib kelgan va musobaqalar filmlari bu yo'nalishdagi asosiy sanat sifatida ajralib turadi.

Bu sport odamlar hayotida muhim rol o'ynashidan dalolat beradi, demakdir.

Bugun siz bilan 2013 yilda rejissyor Nikolay Lebedev tomonidan suratga olingan sobiq SSSRning eng mashhur xokkeychilaridan biri – Valeriy Xarlamovning shakllanishi va muvaffaqiyat yo'liga bag'ishlangan «17-raqamli afsona» filmi haqidagi malumotlarni baham ko'ramiz.

Ushbu film «bayopik» (biopic) janrida yaratilgan bo'lib, mashhur xokkeychining bolaligi va o'smirligidan tortib, afsonaviy «Kanada–SSSR superseriyalari»da sovet jamoasi kanadaliklarni o'z uyida sensacion tarzda mag'lub etgani haqidagi voqealarni hikoya qiladi.

Ushbu bellashuvda o'zining texnik va keskin uslubida ikkita gol urgan «17-raqamli afsona» Valeriy Xarlamov kashf etildi.

Film bo'lajak «afsonaning» onasi tug'ilib o'sgan Ispaniyadagi shahar ko'rsatilishidan boshlanadi. SHaharda buffonada bayrami, hamma xursand. Mana, kichik Valeriy tasodifan buffonada maydoniga yugurib ketdi. Onasi vahima ichida uning orqasidan yuguradi. To'satdan, Valeriyning havaskor matador tog'asi, ishonch va xotirjamlik bilan deyarli raqsga tushib, buqa etiborini o'ziga qaratadi va plashi bilan nafis harakat qilib, uni tinchlantirgancha bolani «jang»ning qoq markazidan chiqarib oladi.

Ushbu epizod biz uchun metafora bo'lib xizmat qiladi va Xarlamov «qoni» kimga borib taqalishini eslatib qo'yadi. U tog'asi singari xotirjam va «matador» kabi hiylagar bo'ladi, ammo faqat muz maydonida.

Bundan tashqari, biz SSSRdagi voqealarga ko'chib o'tamiz, u erda yosh Xarlamov turli kichik klublarda o'ynab, o'z uslubini topadi va xokkey hayotining ajralmas qismi ekanligini tushunadi. Bunga parallel ravishda, uning shaxsiy hayotida ziddiyat rivojlanib boradi va bolaligidan keyin hech qachon ko'rmagan onasi bilan munosabatlarda haqiqiy ispancha «ehtiroslar» bo'y ko'rsata boshlaydi. Xarlamovni ulg'ayishi oson kechmagan, ammo hayotidagi bunday «bo'ronlar» SSSRning «oltin» jamoasini ilhomlantiruvchi hujumchisini tarbiyalab berdi.

Filmda afsonaviy murabbiy Tarasov sportchi bilan qanday tanishgani alohida ko'rsatilganini takidlash kerak. U Valeriyning istedodini payqaydi, lekin uzoq vaqt davomida asosiy jamoada musobaqalarga olib ketmaydi va hatto uni «masxara qilib,» qatiyatini sinovdan o'tkazadi. Keyinchalik Tarasovning taktikasi ish beradi va Xarlamov shov-shuv qila boshlaydi.

Aktyorlarning ajoyib ijrosi (yulduzli tarkib – Danila Kozlovskiy, Oleg Menshikov, Vladimir Menshov va Svetlana Ivanova), gollivudcha maxsus effektlar, filmning ilk daqiqasidan tuyg'ularni junbushga keltiradigan afsonaviy xokkey o'yinchisining shaxsiyatiga xos ajoyib syujet va xokkey shunchaki o'yin emas, balki milliy g'oya degan tushunchaga olib keladi.

Bularning barchasi – «17-raqamli afsona» filmida aks etgan, ko'ring, ketgan vaqtingizga afsuslanmaysiz!

Reyting:    

Fikrlar

< so’nggi yangiliklarni ko’rish

Olamsport ni Facebook da o’qish
uchun "Yoqdi"ni bosing