Sport kurashlari. Rahmonovda kumush, Abdurahmonov finalga chiqdi

Musobaqada erkin kurashchimiz Abbos Rahmonov (-61kg) finalgacha etib borgani haqida xabar berib o'tgandik. Afsuski, u hal qiluvchi jangda gruziyalik Beka Lomtadzega imkoniyatni boy berib qo'ydi va musobaqaning kumush medali bilan kifoyalandi, deya xabar bermoqda MOQ matbuot xizmati. 

-74kg vazn toifasida yurtimiz sharafini himoya qilayotgan Bekzod Abdurahmonov esa musobaqa davomida Turkiya, Gruziya, Rossiya va Qozog'iston vakillarini mag'lubiyatga uchratib, finalgacha etib bordi. Endi u oltin medal uchun turkiyalik Yakup Gorga qarshi gilamga chiqadi.

Yunon-rum kurashi bo'yicha bellashuvlarda esa -55 kg vazn toifasida musobaqada ishtirok etgan Ilhom Bahromov bronza medaliga sazovor bo'ldi. -60kg vaznli Islom Bahromov esa final yo'llanmasini qo'lga kiritdi. U oltin medal uchun Mehrdod Mardoniga qarshi bahs yuritadi. Islom finalgacha bo'lgan yo'lda uch nafar gruziyalik va boshqa bir hamyurtimiz Firuz To'xtaevni mag'lub etdi. O'z navbatida To'xtaev musobaqada Gruziya va Bolgariyadan tashrif buyurgan polvonlardan ustun keldi. Endi u bronza medali uchun gruziyalik raqibga qarshi kurash olib boradi.