Sport majmualari ham shifoxonaga aylantirilmoqda

Jumladan, poytaxtimizning SHayxontohur va Sergeli tumanlarida “COVID-19” bilan xastalangan bemorlarni davolash uchun maxsus markazlar tashkil etilmoqda.

Ushbu maskan 520 nafar bemorlarning salomatligini tiklash uchun zarur bo'lgan tibbiy jihoz va uskunalar bilan taminlanadi. Buning uchun majmua IVL va SIPAP apparatlari, kislorod balonlari va boshqa zamonaviy texnikalar bilan taminlanmoqda.

Qolaversa, 150 nafar tibbiyot sohasi mutaxassislari uchun ham yotoqxona tayyorlanadi.

SHuningdek, Sergeli tumanining 2-bolalar va o'smirlar sport maktabi majmuasida ham 250 o'rinli davolash maskani tashkil etilmoqda. Bu erda tibbiyot xodimlari uchun binoning hovlisida maxsus palatkalar qurilmoqda.

Ayni paytda maskanni eng zarur bo'lgan tibbiyot uskunalari bilan jihozlash ishlari davom ettirilmoqda.

Har ikki maskanda ham shifoxonalardek, sharoitni yaratish uchun mutaxassislar bilan hamkorlikda, ularning tavsiya va ko'rsatmalari bilan ish olib borilmoqda. Ushbu yangi quvvatlar yaqin kunlarda foydalanishga topshiriladi.