Sport maktabida marixuana topilgan holat yuzasidan rasmiy bayonot

Ushbu holat bo'yicha O'zbekiston Respublikasi Jismoniy tarbiya va sport vazirligi topshirig'iga asosan Toshkent viloyati jismoniy tarbiya va sport boshqarmasi rahbari boshchiligidagi masul xodimlar mazkur holatni CHirchiq shahar bolalar-o'smirlar sport maktabiga borib o'rganishdi.

Hozirgi kunda bolalar-o'smirlar sport maktabi qorovuli Bazarbaev Timur Turg'unovichga nisbatan CHirchiq shahar Ichki ishlar boshqarmasi huzuridagi Tergov boshqarmasi tomonidan O'zbekiston Respublikasi Jinoyat kodeksining 276-moddasi 2-qismining “a” bandi bilan jinoyat ishi qo'zg'atilgan bo'lib, ayblanuvchi ehtiyot chora sifatida hibsga olingan.

Timur Bazarbaev 1982 yil 21 iyul kuni CHirchiq shahrida tug'ilgan bo'lib, 2018 yilning 21 iyunidan buyon CHirchiq shahar bolalar va o'smirlar sport maktabida qorovul vazifasida ishlab kelgan va shu paytga qadar ish faoliyati davomida unga nisbatan mehnat qonunchiligiga asosan intizomiy jazo chorasi qo'llanilmagan.

Sodir bo'lgan holat yuzasidan CHirchiq shahar bolalar-o'smirlar sport maktabida Toshkent viloyati jismoniy tarbiya va sport boshqarmasi rahbari boshchiligidagi masul xodimlar talim muassasasi direktori Akmal Urmanov va maktabning barcha xodimlari bilan suhbat o'tkazildi.

Masullar tomonidan holat o'rganilgach, o'z faoliyatiga nisbatan sovuqqon munosabatda bo'lib, masuliyatsizlikka yo'l qo'yganligi uchun CHirchiq shahar bolalar-o'smirlar sport maktabi direktori, sport maktabining o'quv ishlari bo'yicha direktor o'rinbosari hamda xo'jalik ishlari bo'yicha direktor o'rinbosariga intizomiy jazo choralari qo'llanildi.

SHuningdek, Toshkent viloyati jismoniy tarbiya va sport boshqarmasi boshlig'iga bu kabi holatlar boshqa takrorlanmasligi yuzasidan qattiq ogohlantirish berildi.

O'zbekiston Respublikasi Jismoniy tarbiya va sport vazirligi sport talim muassasalari hududida bu kabi holatlarning oldini olish maqsadida tizimdagi barcha tashkilot va muassasalarda tushuntirish ishlarini kuchaytiradi.

Jismoniy tarbiya va sport vazirligi
Matbuot xizmati 

Toshkent viloyatidagi sport maktabi binosida qariyb 6 kg marixuana qovurayotgan qorovul ushlandi