Sport oilasining to'rt nafar vakili bayram arafasida "Zulfiya" mukofotini qo'lga kiritdi

Mamlakatimizda xotin-qizlarni ezozlash, ularning jamiyatdagi o'rni va nufuzini oshirish, orzu-intilishlarini qo'llab-quvvatlash, o'zining iqtidori va ibratli faoliyati bilan yoshlarga o'rnak bo'layotgan, turli soha va tarmoqlarda qobiliyat va imkoniyatlarini ro'yobga chiqarayotgan, Uchinchi Renessans poydevorini yaratishda chuqur bilim va intellektual salohiyatini namoyon etib, o'z g'oya va tashabbuslarini ilgari surayotgan, ijtimoiy hayotda faollik ko'rsatayotgan qizlarni munosib rag'batlantirish maqsadida Zulfiya nomidagi Davlat mukofoti bilan taqdirlash to'g'risidagi Prezident qarori elon qilindi.

Unga ko'ra, jami 28 nafar yurtdoshimiz alo xulqi, noyob istedodi, zukkoligi, tashabbuskorligi, o'qishdagi muvaffaqiyatlari hamda talim, fan, adabiyot, sanat, sport sohalarida va jamoatchilik faoliyatida erishgan alohida yutuqlari uchun Zulfiya nomidagi Davlat mukofotiga sazovor bo'lishdi.

Etiborlisi, mukofotlanganlarning to'rt nafarini sport sohasida o'zlarini namoyon etib kelayotgan qizlarimiz tashkil etishadi. Bular:

Orazbaeva Gulsanem Jalg'asbay qizi – Qoraqalpog'iston Respublikasi Bo'zatov tumanidagi 1-umumiy o'rta talim maktabining 8-sinf o'quvchisi, shotokan karate-do bo'yicha O'zbekiston kubogi g'olibi, sport ustaligiga nomzod;

Salimova Amira Sunnatjon qizi – Buxoro viloyati Kogon shahridagi 8-umumiy o'rta talim maktabining 11-sinf o'quvchisi, badiiy gimnastika bo'yicha O'zbekiston milliy terma jamoasi azosi;

Omonova Umida SHuhrat qizi – O'zbekiston shaxmat federaciyasining Xalqaro shaxmat akademiyasi o'quvchisi, FIDE ustasi (Surxondaryo viloyati);

Kim Yuliya Olegovna – Respublika oliy sport mahorati maktabining figurali uchish bo'yicha murabbiyi, sport ustasi (Toshkent shahri).

Biz ushbu yuksak davlat mukofotiga sazovor bo'lgan barcha qizlarni muborakbod etamiz hamda kelgusi faoliyatlarida omad va zafarlar yor bo'lishini tilaymiz.