Sport va tibbiyot mavzuida xalqaro konferenciya o'z ishini boshladi

MOQ qoshidagi Respublika sport tibbiyoti ilmiy-amaliy markazi (RSTIAM) tomonidan o'tkazilayotgan ushbu tadbirda Buyuk Britaniya, Germaniya, Rossiya, Belarus, Ozarbayjon, Turkiya, Qozog'iston, Ispaniya, Litva kabi mamlakatlardan tashrif buyurgan shifokorlar sohaga oid so'nggi yutuqlar, kamchilik va muammolar, ularning echimlari borasida o'z bilimlarini ulashadi.

“InterContinental Tashkent” mehmonxonasida o'tgan tadbirning ochilish marosimida rasmiylar mavzuning dolzarbligi, bugungi kunda davlatimiz tomonidan sport tibbiyotini rivojlantirishga qaratilayotgan etibor xususida to'xtalib o'tishdi. 

Unda Yoshlar siyosati va sport vaziri Adham Ikramov, Sog'liqni saqlash vaziri o'rinbosari Elmira Basitxanova, MOQ Bosh kotibi Oybek Kasimov, Qo'mita raisi o'rinbosari SHerzod Tashmatov, RSTIAM direktori Kamol Sirojitdinov ishtirok etishdi.

Anjumanda mamlakatimizdagi federaciya va associaciyalar, hududlardagi sport talim muassasalarda faoliyat olib borayotgan sport shifokorlari, terma jamoa murabbiylari, soha mutaxassislari ishtirok etishmoqda. Dasturga muvofiq, ikki kun davomida xalqaro ekspertlar tomonidan mahalliy mutaxassislar uchun nazariy va amaliy mashg'ulotlar o'tkaziladi.

Alimurod MAMADAMINOV, o'z muxbirimiz