Sport vaziri Adham Ikramov Jizzax viloyatiga bordi

Dastalab, Jizzax olimpiya va paralimpiya sport turlariga tayyorlash markazi hamda Jizzax shahridagi Yakkakurash sport turlariga ixtisoslashtirilgan sport maktabiga tashrif buyurgan Adham Ikramov amalga oshirilayotgan ishlarni ko'zdan kechirdi. 

Sport vaziri tomonidan masullarga sharoitlarni yanada yaxshilash va  sportchi-o'quvchilarga keng imkoniyatlar yaratish bo'yicha ko'rsatmalar berildi.

SHundan so'ng, A. Ikramov Jizzax viloyati hokimi Ergash Soliev bilan birgalikda "Besh tashabbus olimpiyadasi" arenasi, So'g'diyona PFK, Suv sporti va gimnastika ixtisoslashtirilgan sport maktablari hamda futbol akademiyalarida yaratilgan shart-sharoitlari bilan tanishishdi.

Rahbarlar tomonidan masullarga hududda sohani yanada rivojlantirish, kamchiliklarni tahlil qilgan holda muammolarni joyida bartaraf etish bo'yicha kerakli tavsiyalar berildi.