Sport vazirining navbatdagi manzili - Sirdaryo viloyati!

O'zbekiston Respublikasi Sport vaziri Adham Ikramov Prezidentimiz tomonidan belgilab berilgan vazifalar ijrosini taminlash, joylarda ommaviy va professional sportni rivojlantirish borasidagi ishlarni jonlantirish maqsadida Sirdaryo viloyatida xizmat safarida bo'ldi. 

Kecha o'rganish ishlari dastlab Sirdaryo tumani sport maktabi va uning Baxt, Malik filiallari, shuningdek tumandagi 39-umumtalim maktabi hamda Sayxunobod tumani sport maktablarida olib borildi.

Sport maktabida mashg'ulot jarayonlari va infratuzilmasi, shuningdek, tumandagi umumtalim maktablarida mahalla yoshlari va sportchilarni qo'llab-quvvatlash bo'yicha amalga oshirishi lozim bo'lgan ishlar o'rganildi.