Sport vazirining navbatdagi tashrif manzili Qo'hna kent bo'ldi FOTOGALEREYA

Dastlab, o'rganish ishlari Futbol akademiyasidan boshlandi. Yangidan foydalanishga topshirilgan muassasada 154 nafar yoshlar futbol bilan muntazam shug'ullanmoqda. Mazkur akademiyaning yopiq inshooti qurilishi bilan tanishilar ekan,  quruvchi tashkilot vakiliga loyihada  ko'rsatilgan ishlarni sifatli bajarish yuzasidan topshiriqlar berildi.

Engil atletika va tennisga ixtisoslashtirilgan sport maktabining zamonaviy binosi, o'yin maydonining holati o'rganib chiqildi. Tennis majmuasida jihozlash ishlarini yakuniga etkazish, binoni tez fursatda foydalanishga topshirish zarurligi takidlandi. 

Sport vaziri viloyat olimpiya va paralimpiya sport turlariga tayyorlash markaziga qarashli majmuada ham bo'ldi. Viloyat yakka kurash sport turlariga ixtisoslashgan sport maktabida sportning karate WKF turi bo'yicha o'tkazilayotgan musobaqani kuzatib bordi. 

SHuningdek, 2-son sport maktabi faoliyati bilan tanishildi. Mazkur maktabda shug'ullanayotgan badiiy gimnastikachi Vilana Svadyan bilan uchrashib, sportchining Zulfiya nomidagi davlat mukofoti bilan taqdirlanganini yana bir bor etirof etdi hamda unga muvaffaqiyat tiladi. 

SHuningdek, vazir tomonidan professional sportchilarni tayyorlashda murabbiylarning alohida hissasi borligi va bu borada Samarqand tajribasini ommalashtirish yuzasidan taklif va tavsiyalar berildi.