Sport vazirligi va MOQ rahbariyati Olimpiya shaharchasining bugungi holatini ko'zdan kechirdi

Sport vaziri Adham Ikramov, MOQ Bosh kotibi Oybek Kasimov va Qo'mita raisi o'rinbosari Azizjon Kamilov qurilish ishlarini ko'zdan kechirishdi. 

O'rganish davomida mutasaddilar obektlarning bugungi kundagi holati bilan yaqindan tanishishdi. Ularga jarayon uchun masul mutaxassislar bu borada olib borilayotgan ishlar haqida to'liq malumot berishdi.

Qayd etish joiz, hozirgi kunga kelib, metall konstrukciya ishlari allaqachon yakunlangan bo'lib, obektlarning tashqi qismini yopish jarayoni ketmoqda. Quruvchilar har bir detalga alohida ahamiyat qaratilayotgani, foydalanilayotgan mahsulotlarning aksariyati pishiq materiallardan tayyorlanayotganini qo'shimcha qilishdi. 

Suhbat davomida O'yinlardan keyin obektlardan samarali foydalanish masalasi ham yana bir karra ko'rib chiqildi. Rasmiylar o'rganish chog'ida ish samaradorligini oshirish borasida kerakli tavsiyalarni berib o'tishdi.