07 may 14:14
Yangiliklar

Xokkey

Stenli Kubogi. "Vashington" 1/4 finalning ilk o'yinida yutqazdi

Nufuzli hisoblangan tarixiy Stenli Kubogida 1/4 final bosqichining ilk uchrashuvlari start oldi.

"Vashington Kepitalz" jamoasi pley-offning ushbu bosqichida "Karolina Xarrikeynz" klubiga qarshi muzga chiqmoqda. Poytaxt Vashingtondagi "Kepital Uan-Arena" stadionida o'tgan jamoalarning ilk o'yin mehmonlarning irodali g'alabasi bilan yakunlandi - 2:1.

"Vashington" etakchisi Aleksandr Ovechkin bu safar muzni golsiz tark etdi. Garchi mezbonlar Protasning shaybasi evaziga hisobda oldinga chiqib olgan bo'lsalar-da, yakunda g'alabani saqlab qola bilishmadi. Avvaliga uchinchi bo'limda Stenkoven tomonidan muvozanat tiklandi. Overtaymda esa Slavin mehmonlarga g'alaba keltirgan shayba muallifiga aylandi.

Jamoalar o'rtasidagi ikkinchi uchrashuv 9 may kuni Vashingtonda bo'lib o'tadi.