Stol tennisi yulduzlari: Olimpiya o'yinlarida omadi yurishmagan ko'p karra jahon chempioni Vladimir Samsonov

Vladimir Samsonov 1976 yilning 17 aprelida Belarus poytaxti Minsk shahrida dunyoga keladi. Stol tennis bilan olti yoshidan boshlab shug'ullanib keladi. U stol tennisidagi dastlabki yutug'iga 1987 yil Afinada kadetlar o'rtasida Evropa chempionatida erishadi. O'sha musobaqada bo'lajak stol tennisi yulduzi Sobiq Ittifoq terma jamoasi tarkibida oltin medallarni qo'lga kiritgan.

 Kattalar o'rtasida Jahon chempionatida 1995 va 1997 yilda kumush medalni qo'lga kiritadi. SHuningdek, bir necha bora jahon kubogi va Evropa chempionatida oltin medalni qo'lga kiritgan. Vladimir faoliyati davomida 27 ta “ITTF World Tour”  musobaqasida zafar quchgan, shuningdek, u beshta qitaning barchasida g'alaba qozongan yagona ping-pong ustasi hisoblanadi.

Jahon va Evropa birinchiliklarida ko'plab medallarni qo'lga kiritgan Samsonov oltita Olimpiya o'yinlarida ishtirok etgan va hech birida medalni qo'lga kirita olmagan.