Strasburg (WTA): Avstraliya derbisida Stosur chempion bo'ldi

Hal qiluvchi final uchrashuvida ikki avstraliyalik tennischilar o'zaro to'qnash kelishdi. Ikki soatu 45 daqiqa davom etgan bahsda dunyoning 24-raketkasi bo'lgan Samanta Stosur o'zidan 10 yoshga kichik bo'lgan Darya Gavrilovani 5:7, 6:4, 6:3 hisobida mag'lub etdi.

Ushbu muvaffaqiyatli ishtirok 33 yoshli Stosurga faoliyatidagi to'qqizinchi titulni taqdim etdi. Bu g'alaba evaziga Samanta 34,677 evro mukofot puli hamda 280 reyting ochkosini qo'lga kiritdi.