15 iyu 10:47
Yangiliklar

Tennis

Su-Vey va Strikova Uimbldon juftligida g'olib bo'lishdi

Buyuk Britaniyaning London shahrida ikki hafta davomida o'tkazilgan "Katta Dubulg'a" turkumiga kiruvchi Uimbldon turniri yakunlandi.

Ayollar o'rtasidagi juftlik bahslarida Xitoy Taypeyi vakilasi Se Su-Vey hamda chexiyalik Barbora Strikova bosh sovrin sohibasiga aylanishdi. Ular 1 soatu 6 daqiqa davom etgan final uchrashuvida kanadalik Gabriela Dabrovski hamda xitoylik I-Fan Syuni taslim etishdi - 6/2, 6/4.

Su-Vey faoliyatida uchinchi marotaba “Katta Dubulg'a” turnirida bosh sovringa ega chiqdi. Strikova esa ilk bor nufuzli sovrinni qo'lga kiritdi. Uimbldon turniridagi chempionlik tennischilarga 540 000 funt sterling mukofot puli hamda 2000 reyting ochkosini taqdim etdi. Bugun elon qilingan yangi juftlik reytingida Strikova birinchi raketkaga aylandi.