Sultonov Verona "CHellenjer" turniri "final"ida kortga chiqdi

Mukofot jamg'armasi 45 730 evroni tashkil etuvchi ushbu turnirda hamyurtimiz Humoyun Sultonov ham o'z imkoniyatini sinab ko'rdi. Tennischimiz o'z ishtirokini saralash bahslaridan boshlagan va 1/2 finalda italiyalik Samuel Segettini 6/3, 6/1 hisobida mag'lub etgandi.

Afsuski, turnirda 12-raqam ostida saralangan Humoyun hozirgina yakuniga etgan va asosiy to'rga yo'llanma bergan dramatik final uchrashuvida braziliyalik Boskardin Diasga imkoniyatni boy berib qo'ydi. Humoyun birinchi setda raqibiga bironta ham geym bermadi - 6/0. Ikkinchi setda Dias 7/5 hisobida zafar quchdi. Hal qiluvchi uchinchi setda Sultonov matchboldan foydalana olmadi va yakunda tay-brekda raqibiga yutqazib qo'ydi - 6/7(5).   

Ikki soatu 54 daqiqa davom etgan uchrashuvda Humoyun 4, Dias 5 ta eys zarbani amalga oshirgan. Qo'shxatolar har ikki tennischida ham 3 tani tashkil etdi. Bu ularning o'zaro o'tkazgan ilk uchrashuvi edi.    

Taqqoslash uchun, Humoyun Sultonov ATP reytingida 394, Dias esa 336-o'rinni egallab turibdi. Beshinchi raketka sifatida qayd etilgan Boskardin Dias asosiy to'rga yo'llanma oldi.