Sultonov Veronadagi "CHellenjer"da "final"ga chiqdi

Mukofot jamg'armasi 45 730 evroni tashkil etuvchi ushbu turnirda hamyurtimiz Humoyun Sultonov ham o'z imkoniyatini sinab ko'ryapti. Tennischimiz o'z ishtirokini saralash bahslaridan boshladi. 

Sultonov saralashning 1/2 finalida italiyalik Samuel Segettini 6/3, 6/1 hisobida mag'lub etdi. Turnirda 12-raqam ostida saralangan Humoyun bugun asosiy to'rga yo'llanma beruvchi final uchrashuvida braziliyalik Boskardin Diasga qarshi kortga chiqadi. 

Taqqoslash uchun, Humoyun Sultonov ATP reytingida 397, Dias esa 333-o'rinni egallab turibdi. Sultonov - Dias uchrashuvi bizning vaqt bilan 15:30da boshlanadi hamda g'olib turnirning asosiy to'riga yo'l oladi.