Suvga sakrash bo'yicha xalqaro o'quv-mashg'ulot yig'ini yakunlandi

Yig'inda vakillarimiz Rossiya yoshlar terma jamoasi bilan birgalikda shug'ullanishdi. Mashg'ulotlar davomida sportchilarimiz o'z harakatlari, dasturlarini mukammallashtirish bo'yicha ish olib borishdi, yangi mashqlar, elementlarni o'zlashtirishdi. Xususan, Doston Botirov 2 ta yangi harakatni o'rgandi va o'z dasturining murakkablik darajasini oshirishga erishdi. U endi 2020 yil Tokioda bo'lib o'tadigan navbatdagi Olimpiya o'yinlariga yo'llanma beruvchi jahon chempionati va kubogi bahslarida aynan shu dastur bilan munosib qatnashishni maqsad qilgan. 

SHuningdek, Doston Botir Xasanov bilan birga Butunjahon universiadasida ham ishtirok etadi. Yig'inda qatnashgan boshqa sportchilar esa oldinda turgan, Hindistonning Haydarobod shahrida tashkil etiladigan Osiyo chempionati uchun tayyorlanayotgan dasturni mukammal holatga keltirishga harakat qilishdi. Umuman olganda, mazkur xalqaro o'quv-mashg'ulot yig'ini terma jamoamiz uchun juda foydali kechdi.