Svitolina 27 aprel kuni start oladigan turnirda ishtirok etadi + FOTO

Tabiiyki, Mutua Madrid Open turniri virtual tarzda o'tkaziladi. Svitolinadan tashqari, ayollar o'rtasidagi bahslarda Anjelik Kerber, Karla Suares Navarro, Kristina Mladenovich, Ejeni Bushar, Viktoriya Azarenko, Kiki Bertens, Fiona Ferro, Medison Kiz va Yoxanna Konta ham qatnashadi.

Erkaklar o'rtasidagi turnirda esa Rafael Nadal, Aleksandr Zverev, Endi Marrey, Karen Xachanov, Gael Monfis, David Goffen, Fabio Fonini, Jon Izner, Lyuka Puy, Diego SHvarcman kabi raketka ustalari ishtirok etish istagini bildirishgan.

Har bir turnirdagi 16 ishtirokchi 4 ta guruhga ajratiladi. Har bir kvartetda dastlabki ikki o'rinni egallagan tennischilar chorak finalga yo'l oladi. Madrid turniri 27-30 aprel kunlari bo'lib o'tadi. Virtual turnirdan tushgan mablag' koronavirus pandemiyasidan aziyat chekayotgan insonlar uchun sarflanadi.