16 mar 14:36
Yangiliklar

Tennis

Svitolina Byanka Andreeskuga yutqazib qo'ydi

Dunyoning oltinchi raqamli tennis malikasi Elina Svitolina Indian-Uells turniridagi ishtirokini yakunladi.

Ukrainalik tennischi yarim final uchrashuvida reytingning 60-pog'onasidan joy olgan raqibasi, kanadalik Byanka Andreeskuga imkoniyatni boy berib qo'ydi. Ikki soatu 12 daqiqa davom etgan uchrashuvda Byanka 6/3, 2/6, 6/4 hisobida zafar quchdi.

Tennischilar shu kungacha o'zaro to'qnash kelishmagan edi. Endi kanadalik tennischi BNP Paribas Open turnirining hal qiluvchi final uchrashuvida germaniyalik Anjelik Kerberga qarshi kortga chiqadi.