Svitolina China Open turniri 1/4 finaliga chiqdi

Sayyoramizning uchinchi raqamli tennis malikasi Elina Svitolina China Open turnirining chorak finaliga yo'l oldi. Ukrainalik tennischi uchinchi davra uchrashuvida amerikalik Sofiya Keninga qarshi kortga chiqdi. 

Elina 2 soatu 29 daqiqa davom etgan bahsda reytingning 16-pog'onasidan joy olib turgan raqibasini 6/3, 6/7(8), 6/3 hisobida taslim etdi. Svitolina 13 ta eys zarbani yo'llashga muvaffaq bo'ldi. Tennischilarning o'zaro o'yinlaridagi muvozanat tiklandi - 2:2. Endi Elina chorak finalda gollandiyalik Kiki Bertensga qarshi bahs olib boradi.