21 fev 07:44
Yangiliklar

Tennis

Svitolina Mugurusaga uchtagina geym berdi

BAAning Dubay shahri mezbonlik qilayotgan nufuzli WTA turniri o'zining qizg'in pallasiga kirdi.

Dunyoning oltinchi raketkasi Elina Svitolina ikkinchi davra uchrashuvida oson g'alabaga erishdi. Ukrainalik tennis malikasi reytingning 19-pog'onasidan joy olgan ispaniyalik Garbin Mugurusadan ustun keldi.

Oltmish ikki daqiqa davom etgan bahsda Elina raqibasini 6/1, 6/2 hisobida mag'lub etdi. Endi 24 yoshli Svitolina Dubai Duty Free Tennis Championships turnirining uchinchi davrasida ispaniyalik yana bir tennischi Karla Suares Navarroga qarshi kortga chiqadi.