Svitolina Strasburgda 1/2 finalga chiqdi

Sayyoramizning beshinchi raqamli tennis malikasi Elina Svitolina musobaqaning yarim finaliga yo'l oldi. Ukrainalik tennischi 1 soatu 23 daqiqa davom etgan chorak final uchrashuvida reytingning 54-pog'onasidan joy olgan shveycariyalik Jil Taykmannni 6/4, 6/3 hisoblarida mag'lubiyatga uchratdi.

Bahs davomida 26 yoshli Svitolina 5 ta eys zarbani amalga oshirdi, 23 yashar Taykmannda esa bu ko'rsatkich nol ko'rinishida bo'ldi. Bu tennischilarning o'zaro ilk uchrashuvi edi. Svitolina yarim finalda chexiyalik Katerjina Sinyakova yoki belaruslik Arina Sobolenkoga qarshi kortga chiqadi.