18 iyu 07:11
Yangiliklar

Tennis

Svitolina Toshkent Open 2018 g'olibasiga yutqazib qo'ydi

Buyuk Britaniyaning Birmingem shahrida tennis bo'yicha Nature Valley Classic turniri bo'lib o'tmoqda.

Kutilmaganda musobaqaning birinchi bosqichidayoq dunyoning ettinchi raketkasi ukrainalik Elina Svitolina rossiyalik Margarita Gasparyanga imkoniyatni boy berib qo'ydi. Gasparyan Toshkent Open musobaqasining amaldagi g'olibasi hisoblanadi.

Reytingning 62-pog'onasidan joy olib turgan Gasparyan nomdor raqibasini 1 soatu 53 daqiqa davom etgan uchrashuvda 6:3, 3:6, 6:4 hisobida taslim etdi. Bu tennischilarning o'zaro ilk uchrashuvi edi.