Swiss Indoors Basel. Zverev kutilmaganda ishtirokini yakunladi

Dunyoning oltinchi raketkasi Aleksandr Zverev musobaqaning ilk davrasidayoq mag'lubiyat alamini totib ko'rdi. Germaniyalik tennischi kutilmaganda ilk davra uchrashuvida amerikalik Teylor Fritcga yutqazib qo'ydi - 6/7(4), 4/6.

Uchrashuv 1 soatu 24 daqiqa davom etgan. 22 yoshli Zverev 8, reytingning 31-pog'onasidan joy olgan 21 yoshli Teylor esa 14 ta eys zarbasini amalga oshirgan. Bu tennischilarning o'zaro o'tkazgan uchinchi uchrashuvi edi. Zverev ilk bor mag'lubiyatga uchradi. Fritc Swiss Indoors Basel turnirining ikkinchi bosqichida avstraliyalik Aleks De Minaurga qarshi kortga chiqadi.