Tashkent Open. Bugun Nigina Abduraimova kortga chiqadi

Sovrin jamg'armasi 250 000 AQSH dollarini tashkil qiluvchi ushbu musobaqada dunyoning ko'zga ko'ringan raketka ustalari ishtirok etyapti. Bugun yakkalik bahslarida ishtirok etayotgan ikkinchi vakilamiz Nigina Abduraimova birinchi davra uchrashuvida kortga chiqadi. 

Mamlakatimizning ikkinchi raketkasi asosiy to'rga imtiyozli yo'llanma asosida qo'yilgan. Niginaning raqibasi germaniyalik Mona Bartel bo'ladi. Abduraimova dunyo reytingida 398, Bartel esa 94-o'rinni egallab turibdi. Ushbu bahsning soat 13:00da boshlanishi belgilab qo'yilgan. Tennischilar shu kungacha o'zaro to'qnash kelishmagan.