26 sen 12:42
Yangiliklar

Tennis

Tashkent Open. Gasparyan superkambekni amalga oshirdi

WTA tasnifiga kiruvchi Tashkent Open musobaqasi sekin-asta o'zining qizg'in pallasiga kirib boryapti.

Mukofot jamg'armasi 250 000 AQSH dollarini tashkil qiluvchi ushbu musobaqaning yakkalik bahslarida hozirgina yana bir murosasiz uchrashuv yakuniga etdi. Unda rossiyalik Margarita Gasparyan turnirning beshinchi raketkasi germaniyalik Tatyana Mariyani mag'lub etdi.

Ikki soatu 10 daqiqa davom etgan bahs yakunida Gasparyan dunyoning 77-raketkasini 6:2, 3:6, 7:6(2) hisobida mag'lub etdi. Qiziq tomoni shundaki, Margarita uchinchi hal qiluvchi setda 0:4 hisobida mag'lub bo'la turib, yakunda tay-brekda g'alabani ilib ketdi va superkambekni amalga oshirdi. Gasparyan birinchi bosqichda hamyurtimiz Sabina SHaripovadan ustun kelgandi.