"Tashkent Select" Qozog'iston yoshlar chempionatidagi ishtirokini boshladi

Jamoa Muntazam chempionat doirasidagi ilk o'yinlar seriyasini mehmonda "Almati" yoshlariga qarshi o'tkazdi.

Ilk bellashuvda toshkentliklar 5:8 hisobida mag'lub bo'lishdi. Kecha o'tkazilgan ikkinchi o'yinda ham "Almati" kuchli ekanini yana bir bor isbotladi — 10:4.

"Tashkent Select" ikki uchrashuv yakuniga ko'ra, turnir jadvalida 13 ta jamoa orasida 11-o'rinni egallab turibdi. Ularning keyingi o'yinlari 25-26 sentyabr kunlari Ust-Kamenogorskning "Torpedo"siga qarshi safarda bo'lib o'tadi.