Tayson Fyuri Joshua bilan jangni tashkil qilayotgani uchun bir insonga rahmat aytdi

Tayson Fyuri UFC va Zuffa Boxing promoushenlari rahbari Dana Uaytga hamyurti Entoni Joshua bilan jangni tashkil etishdagi roli uchun oshkora minnatdorlik bildirdi.

"Unutmasimdan oldin, ushbu jangni tashkil qilayotgani, Netflix bilan kelishuvga erishgani va ishni oxiriga etkazgani uchun Dana Uaytga rahmat aytmoqchiman, — dedi Fyuri ijtimoiy tarmoqlarga joylagan videosida. — Ajoyib ish. Eddi Xirn esa bunga hech qanday aloqasi yo'qligini tan olishga jurati etmaydigan mayda hasadgo'y. Ammo men erkak sifatida, Eddi va boshqalar yillar davomida urinib, uddalay olmagan ulug'vor ishni amalga oshirgan boshqa bir erkakka hurmat bajo keltirmasdan ilojim yo'q. Katta rahmat, Dana, sen haqiqiy afsonasan. Mening nazarimda, dunyodagi eng yaxshi promouterlardan biri va shunchaki ajoyib inson".

"Ammo hozircha jang hali rasman tasdiqlangani yo'q, — deya qo'shimcha qildi Fyuri. — Bu qo'rqoqlar hali ham qochib yuribdi, Eddi esa hamon safsata sotmoqda".

Eslatib o'tamiz, Fyuri va Joshua o'rtasidagi jang bo'yicha muzokaralar uni amerikalik teletomoshabinlar uchun qulay bo'lishi maqsadida Londondan Nyu-Yorkka ko'chirish zarurati tug'ilganda berk ko'chaga kirib qoldi. Joshuaning manfaatlarini himoya qiluvchi promouter Eddi Xirn shu munosabat bilan qo'shimcha talablar qo'ya boshladi, xususan, AQSHda qo'shimcha soliqlar to'lash zarurati tufayli gonorarni oshirishni talab qildi. SHu bilan birga, u Joshua Londondagi "Uembli" stadionida hech qanday shartlarsiz jang qilishga tayyorligini takidlagan edi.

Dushanba kuni Eddi Xirn Fyurining vakili bo'lgan hamkasbi Frenk Uorrendan olgan ultimatum muddati tugaydi. Agar tomonlar shu vaqtgacha kelishuvga erisha olmasalar, Fyuri yangi raqib izlashni boshlaydi va baribir 20 noyabr kuni Nyu-Yorkda jang o'tkazadi.